返大陸影Pre-Wedding有咩要注意？洗唔洗比利是同請食飯？繼續同大家分享我的深圳PW之旅～
其實想影歐式建築，平平地返深圳已經可以影到一輯～
景點揀幾多個好?
既然為了歐式建築而來，個人覺得選一個景點已經足夠，多拍一個景點，會讓逗留基地的時間縮短呢⋯所以我只是Join了婚攝公司6千多人仔的Plan，可以有更長的時間留在婚攝基地拍攝！
拍攝當日
星期五早上8:30就到達婚攝公司～
不算特別早，記得要食/帶早餐，
出發前化妝師會跟你核對一下衣服，了解下妝面喜好，再決定髮型配飾。
其實早一晚都已經跟化妝師在WeChat Group稍有溝通了~
化妝師以粟米夾夾了幾下內層的頭髮，讓頭髮看起來厚一點，束起之後就準備上車了。
一輛車載住兩Pair人，每對都各自有攝影師、化妝師、燈光師，一個位都沒剩了，所以個人的李盡量不要帶太多。
利是問題
其實利是唔一定要比，都有人係完全唔比，
不過見工作人員都落力，態度都唔錯，點都準備下⋯
但係到底幾時派比工作人員好呢？
車上唔係一個好選擇(人太多了)，我地係到達基地後，
化妝師幫我換好衫先由老公負責派比佢地。
即係化妝前，攝影師閒著的時候...
大概個多小時的車程，我們就到了大鵬一個名為玫瑰小鎮的地方⋯
咩蒂安娜城堡、温沙堡⋯其實都係呢一度⋯
去到已經好多人，化妝室有好多位，但都九成滿了。
10時開始化妝，大概化到12點，之後到老公化⋯
補濕、防曬要做足！
建議大家當天早上要為肌膚進行最強的保濕打底，還要帶面部用的防曬！
雖然化妝師替我上妝前也會塗保濕cream，再為我塗上自攜的防曬霜。
我用的只是Biore防曬霜，清爽貼薄就OK~
PW前3日我都晚晚敷補濕Mask，努力沒有白費，當日個妝係暴曬下都算貼服。
12:30正式開始！
爆熱爆曬的一天，時間好緊湊，身體部位的防曬最好用噴的！
要補都好方便快捷⋯最緊要記得噴埋肩膊同後頸～
基本上每拍一個景點都要等5-10分鐘，個別人氣位置甚至要等20-30分鐘，化妝師都會出動幫我地排定隊，但係都要等一陣架！
中午時分真係好曬好熱，要帶多D水係身，
如果唔夠飲，化妝間好似有水「針」架～
但係飲管一定要記得自己帶丫！
排隊時多飲水，補一補防曬...
搞笑的是...老公在拍單人照的時候，隔離有個非港藉新娘"你幫我也噴一下這裡好嗎?" 我見心情好，就幫下你啦...^^;; 心裡滴哂汗，真心不客氣...
呢度嘅城堡之前睇相有點假，不過可能建築開始舊，反而更加有味道！
攝影師都會教我擺pose，叫我注要挺直唔好寒背，下面呢張只係NG左兩次，效果很不錯！
大概影到14:00就換下一套衫，中間其實有個別的景因爲太多人而暫時放棄左⋯（之後會再補返）換上輕婚紗後，就跟化妝師、燈光師一齊去飯堂食飯。
請食飯?
冇記錯個4餸飯是人仔$40，我地就有比埋佢地份錢，慰勞下幫手整日的工作人員。
當天大概預$200人仔吃午飯就好~(5人份)
不過呢...唔好Expect飯堂野會好好食囉...
吃飽化完妝又出動了，化妝師幫我化了一個復古風的妖精造型，耳環以妖精翅膀和珍珠做裝飾，頭髮故意營造蓬鬆感，整體的感覺較清新。(雖然跟我想像中的頭妝有點出入，哈哈...)
呢個情境令我想起羅密歐與茱麗葉~
正如之前的文章都分享過，森林的部份真是驚喜又滿意~
5月份的花海都好有睇頭~
17:15 化好最後一個妝
一早已經決定了要戴皇冠配長頭紗，皇冠都有幾款可以選，相當不錯~
這個時候很多人已經拍完離開，所以人氣的景點不用等都可以拍到喇！！
午飯前圖書館有4、5組人在等@@
這個廠景真是很不錯！！
重點是有冷氣哦~
不過補光的射燈就有點穿磞~
圖書館前的大廳都是一個超靚的影相位哦！！
好多張都拍得好滿意~
(都多得攝影師喇！！好強！)
拍這個大拖尾婚紗是最辛苦的，因為件衫真係重到好得人驚...
我一個人拎唔到成個拖尾，一定要多個人幫手！！
上落樓梯好危險...
而且會在不知不覺間覺得好累好累...
我的狀態在離開廠景之後變得很差...
玫瑰小鎮好像有兩個教堂景~
也是必拍的！
在歐式教堂舉行婚禮是夢想，
可是現實中我們是在註冊處結婚簽紙的。
今次PW可以實現我的夢想，
大拖尾婚紗走進歐式教堂...
當然要有經典求婚Pose啦^^
(已經揀左做油畫)
拍到六點已經超累...
攝影師算是很有耐性的！
我聽不太懂國語，表情不合格老是在NG...
呢個時候發現另一個問題...就是當婚紗被誤踩了數次之後開始下滑...
加上汗太多，Nude Bra重得下墜，撐不起婚紗！！各位拍大拖尾時要不時提醒化妝師整理緍紗，下滑時要往上拉丫！
差點要走光了@@
還好大多是遠遠的拍過去...
不會太明顯~
攝影師見我好攰，最後問我要不要多拍一個景，我當然會努力！！
太陽都開始下山...
一直拍到19:00就收工~~ 返去換衣服囉~~
另一pair同車的都已經換好衣服了。
這一天總共拍了2百多張，拍不好的已經被攝影師刪去，所以基本上冇咩邊張係唔靚的~
底片都會全數奉送，實在太好了！！
回到婚攝公司只是45分鐘車程，8點幾就返到去~
到附近的大型商場吃餐好的！！
總結一下，夏天外拍推介大家一定要帶的就是...
電風扇！！！
還有就是雨傘、飲管和大量的水~
以一個輕便的大旅行袋載著兩人外拍會用到的東西，以及財物，移動時一直跟身！
如果B2B們想知到更多拍攝和客服資料，可以留言問我丫:)
六千多人仔，送的東西比香港那輯還要多很多...
而且客服跟得好足，雖然當時我唔係婚展join，只係網上報名都好安心~
有需要可以用我問我拎介紹人單號「3158」，揾返客服芳芳(What's app或We Chat電話號碼 18617182098)，婚展/網上報名都有野送架！
下一回再分享選片和精修...
拍攝後3天我們已經收到了預修圖囉~
希望呢篇文章可以比到大家一個概念打算返大陸拍pw的朋友啦~
總括而言，今次拍攝都係好好的體驗~
好多時輯相影得好唔好都係講運氣！！
幸運地遇到一team不錯的工作人員，靚相先可以順利誕生~
亦證明我們沒有選錯公司~
想看到更多即時分享，可以到facebook page讚好呢！
YOUTUBE
theZtyle: http://purplecc.theztyle.com
Cosmo Talk: https://talk.cosmopolitan.com.hk/purplecc/
Fanpiece: http://women.fanpiece.com/tobecontinued/
Beauty Exchange: http://www.beautyexchange.com.hk/blog/Purple%20Chiu
She Blog: http://blog.she.com/purplecc/
Fanpiece: http://women.fanpiece.com/tobecontinued/
Beauty Exchange: http://www.beautyexchange.com.hk/blog/Purple%20Chiu
She Blog: http://blog.she.com/purplecc/
BlogSpot: http://purplechiu.blogspot.hk/
UBlog: http://blog.ulifestyle.com.hk/blogger/purplecc/
ELLE blog: http://blogs.elle.com.hk/purplecc/
WeShare: http://www.weshare.hk/purplecc
Qooza Beauty: http://beauty.qooza.hk/u/purplecc/shares
BeautyLife:http://www.beautylife.hk/home.php?mod=space&uid=167954
UBlog: http://blog.ulifestyle.com.hk/blogger/purplecc/
ELLE blog: http://blogs.elle.com.hk/purplecc/
WeShare: http://www.weshare.hk/purplecc
Qooza Beauty: http://beauty.qooza.hk/u/purplecc/shares
BeautyLife:http://www.beautylife.hk/home.php?mod=space&uid=167954
Style-Tips.com:http://style-tips.com/blog/purplechiu
可以知道資料嗎?謝謝
回覆刪除