To be continued...: 重塑曲線美，穿上夢想嫁衣 ❤ FH Remodel 5天紮身脫變！

所有新娘子都想係結婚當日以最佳狀態，著上自己的Dream Wedding Grown，務求係Big Day做一個perfect bride！件件婚紗都好靚，特別係魚尾⋯唔單止Elegant，仲可以突顯到自己的身材⋯⋯

不過由第一次去試婚紗開始，我已經知道我駕馭不了魚尾cutting的婚紗晚裝。但係最後⋯我都有係Big Day著到我嘅dream dress，當然我都下左一番苦工啦⋯⋯

下圖係我第一次去試魚尾婚紗影的，真係冇眼睇⋯⋯
從事文職的我一日坐足8、9個鐘以上，下身肥腫問題好難改善得到。
天生盤骨就大到唔係好啱比例，魚尾婚紗簡直就係自暴其短之選⋯⋯

幸運地朋友介紹了一個有效的修身塑形方法給我，就係去紥身喇！
一聽紥身，大家都會問，唔係生完仔先去紥架咩？
其實唔一定，紥身唔止幫產後媽媽修身，就算普通人去紥，都可以重塑曲線，仲有矯骨的效果～於是我就去左FH Remodel 紮身護理專門店揾Flora幫我紥身！
其後我先知，原來有好多明星都有揾Flora紥身呢～連鍾嘉欣都係！！

第一次上去係先做資詢，Flora會睇睇我到底係咪真係有紥身需要，再決定主力紥邊個位置。我盤骨位闊大，大脾都相當粗，同時又想改善一下腰的曲線，Flora就決定幫我紥腰至盤骨位。

正式上去紥身要預留多少少時間，因為我盤骨比較闊，紥身的力度有好大部分落左係盤骨位置，Flora會特別用力去矯果一part嘅骨，所以一圈圈的布帶紥落去，都會覺得好緊～
大約紥到去褲仔對落的大脾位置，紥住布行路唔可以太大步，因為你想大步少少都唔得架。

紥好之後未走得，要係開動左熱能養生儀的床上面休息一陣，呢架擁有韓國KFDA及美國FDA認證的醫療級熱能養生儀，會透過納米遠紅外線深入人體，促進血液循環，活化身體細胞，透過排汗排出體內毒素及重金屬，仲有減肥同暖宮作用。

紥住瞓係床冇咩唔舒服的感覺，但係落床會有少少痺痺地⋯但係感覺都OK，只係長期寒背的我已經幾十年冇試過條腰咁直，直係有D唔慣！

行出FH，盤骨位有點痺痛，不過只要動作唔好咁大，行路、上落樓梯自己就一就，就ok架喇～果日下午我都仲可以紥住身出EVENT，去睇展覽⋯⋯

呢一日紥左大約10小時，解下紥帶果一刻見到自己條腰幼返好多，線條返返哂黎～～老公見到都話："哇！條腰返左黎喎～" 真係覺得好神奇。

不過紥身比較唔方便係去廁所果陣要就一就，因為每次去廁所都有機會整鬆條紥帶，所以要特別小心呢。通常紥左4、5個鐘左右，我就會拆左面頭果層，比自己休息下。不過都建議大家，要有好嘅效果就要忍！最好紥過夜到第二日先拆啦～

第二日上去，Flora都覺得我瘦左好多⋯
線條靚左，個肚腩仔平左⋯
一度之下，腰瘦左3吋！！！
重複昨天的紥肚，瞓儀器，一落床果下會覺得盤骨好酸痛，就好似cool牙咁⋯盤骨因爲被紥帶紮住，慢慢咁矯形收細，所以會覺得痺痺地。

第三日因為我開OT冇時間過去Flora度紥身，如果可以日日KEEP住過去紥身當然好啦，但有時真係唔得，Flora都會盡量同我夾時間！

第二次上去時係佢地度買左套Girdle，佢地的Girdle質地好舒服，唔會好焗，但係就可以緊緊束住腰同大脾，Hold住個靚形～Flora話如果中間停左一日冇紥身，可以著Girdle頂住先。我好聽話著足全日，真係可以Keep返住個線條冇反彈架！

之後Keep住上左去3日，盤骨位比起第一日的確係收窄左少少，而之前長期水腫的肥大脾本來擠左舊肉出黎，但已經平返冇咁凸出黎，直返好多！我地見到個效果都覺得好Amazing~

Total上左去5次，修身效果我諗我點吹都冇用，有圖先至有真相⋯⋯
紥身期間沒有節食，同平時一樣係食咁多野，但係腰到盤骨真係瘦左直左，唔會有一舊大脾擠左出黎，拎返D貼身裙出黎著，真係著得好睇過之前。

係紥身後的兩個星期，唔單止冇反彈，最後我去final fit仲著到魚尾婚紗！
睇下，個Shape靚左幾多！！個Hip位係明顯比起之前細好多架～