2018年3月29日 星期四

[保健] 繁忙都市人的養目神器! Boost&Guard (BG補健) 養目益生素 ❤

臨近長假前每一日都好忙...
最攰唔係個Body,而係對眼!!!
日日係公司望住個mon,放工繼續用手機打文剪片...
加上唔夠瞓...眼仔好唔精靈...

其實身邊有好多因素都會對眼睛造成傷害,
有害的UV、光線轉變、近距離或長時間使用數碼產品屏幕,
都會令眼睛容易感到疲勞...
過度用眼不僅加速視力衰退,
也令眼疾更趨年輕化,都咪話唔驚丫...

最近我就開始服用Boost&Guard (BG補健) 養目益生素,希望可以養目明神~


《養目益生素》,含專利水潤菌,能於體內自生高濃度玻尿酸,提升眼內濕潤度,消除乾澀,緩解疲勞。黑醋栗萃取、藍莓萃取及木鱉果萃取可阻隔紫外線及藍光,同時抗氧化,延緩視力退化。一盒就有30包,習慣一日一包的我,一盒已經可以食足一個月喇!


當中的藍莓萃取可改善眼睛矇霧、疲勞,清除自由基,阻隔紫外線及藍光對視網膜的傷害,預防退化和視力下降。而木鱉果萃取含豐富葉黃素和玉米黃質,維護黃斑和視力健康,保護雙眼。

唔可以為佢淨係對隻眼好,蘊含的EC12乳酸菌其實是免疫整腸之王,有助暢便排毒、防宿便、強健消化系統。養目益生素特別添加益生元的水溶性纖維,能刺激益菌生長,抑制害菌,有效平衡腸道健康。


養目益生素可直接食用或以100-150毫升40℃以下溫水沖泡,簡單方便~


只要以小匙攪拌數十秒就可以輕鬆融於水中!


養目益生素就如無糖的果汁般,說不上好飲,
但以保健品來說也算是易入口的~

平日做菜/整甜品都可以加進去,或者加在表面,
興食物一同進食,也能發揮相同效果~


有時會因為眼攰而眼矇,
在服用Boost&Guard 的養目益生素之後,
眼睛乾澀問題已被KO,不易出現眼乾情況,
眼攰眼矇的情況大有改善,又可以專注工作喇。

服用後除了眼睛更明亮,
腸道也感覺更暢通,皮膚自然變得更好吧!

精精神神工作先至有效率!
工作出錯也會大大減少~


可以的話每天最少睡7-8小時,
效果會更好,人也更加精神健康呢~
養目益生素有效改善眼睛疲勞,
是繁忙都市人的養目之選!


想看到更多即時分享,可以到facebook page讚好呢!
請多多支持吧~送禮進行中~~

歡迎聯絡合作事宜:
dahlia_purple@hotmail.com

SHE.COM客席專欄
http://www.she.com/author/purplechiu/
YOUTUBE

Style-Tips.com:http://style-tips.com/blog/purplechiu

是次產品及產品資料由品牌提供,本文章所發表的全部內容均屬個人意見及真心感受,並不代表該品牌之言論及立場。如需協助或希望獲得更多有關產品資訊,請直接聯絡該品牌查詢或∕和尋求相關專業意見。如從而引起任何損失或法律糾紛,本人概不負責。

2018年3月27日 星期二

[生活] 一起來入坑! 森林家族 樂活莊園

細細個已經好想買的森林家族...
由去年開始我已經正式入坑了!
因為他們的產品實在係太靚~ 真係好難忍手~

上星期去mikiki仲睇到森林家族 樂活莊園,
展示了超多不同系列的可愛小動物。

一入左坑真係冇得返轉頭...
兔先生已經預留左原本放高達的位置比我擺森林家族! (好似係)


不過屋企實在冇咁多空間展示佢地,
唯有拍底佢地啦,咁可愛的...真係睇到都開心~

↓↓↓入去睇片啦↓↓↓




最後我都當然有買野!
就係呢個城堡滑梯套裝~


呢架校巴的彩虹部份可以拆下來變滑梯同搖搖板架!


朱古力兔BB真係好可愛:)


仲可以同佢地瘋狂拍照&打卡!


宜家可以係商場客服counter免費換到森林家族file一個~
粉絲們唔好錯過左~~

呢一度真係非常之邪惡丫!!
其實森林家族由我細個時已經一直存在,
最近的宣傳攻勢真的來勢洶洶!
入坑是必然的吧......

呢個小展覽至到2/4咋,要把握時間同佢地見下面喇~

想看到更多即時分享,可以到facebook page讚好呢!
請多多支持吧~送禮進行中~~

歡迎聯絡合作事宜:
dahlia_purple@hotmail.com

SHE.COM客席專欄
http://www.she.com/author/purplechiu/
YOUTUBE

婚享。同身高的苦惱。實用又舒適的"婚鞋"

兔先生和我的身高幾乎一樣的,拍拖後我已經沒穿過高跟鞋。哈哈~ 
講返婚鞋...如果著高踭婚鞋,加上會set頭,我就會比他高一點...
想要更好的拍照效果,我選的婚鞋都只能是平底吧...

好在兔先生前陣子在FXXTSPOT已經買到有暗踭的男禮鞋...
可以升高2吋左右,嗯...冇2吋都一定有吋半...
所以我可以選擇2吋內的婚鞋喇!!

婚鞋主要For PreWedding同註冊時用,
Big Day諗緊著唔著返平底或舒服鞋...
(經過PW一役,基本上婚鞋露出率很低丫)

最終我買了下面3對!
都是在某兩間日牌鞋店買的~
比較舒適,而且平日上班或是特別場合都可以著得返,
價錢每對只是$2xx - $3xx左右!


最先買的就是這對香檳金閃石鞋,
米色布面上帶有香檳金閃閃的布料~
即使註冊或者PW時襯白色裙子都好好睇。


鞋頭的閃石不是鞋夾來的,粒粒都好閃~~
圓頭鞋感覺冇咁elegant,但係就比尖頭的舒適一點。


第二對銀色尖頭,在另一間Fashion Boutique趁減價時買入...
踭不太高,但著上去效果不錯!
重點呢對尖頭得黎真係好舒服!!


鞋頭唔會覺得迫,1.5吋踭又唔怕高過老公~
Big Day應該會長著呢對...
雖然本人都有165,但係經過PW之後,
婚紗裡面都係著有少少踭的鞋會靚D,
再拉高少少個人的比例就更好睇:)


影PW時呢對鞋都出過場!
香檳金同銀色之間...攝影師最後揀左銀色呢對...


而第三對其實有D難襯,
但係見到佢就有叮一聲的感覺~
比較適合襯深色系晚裝...
好Elegant的一對~

兩星期前見APM仲有貨...
賣緊$14x...


雖然作為婚鞋有點勉強,但係好鐘意佢鞋踭的蝴蝶摺...
都係留返著晚裝/去街著佢啦~~


鞋夾係另外買的...好似$100左右...
實淘寶買類似的平好多...
不過見對鞋唔係貴就順便買埋...


我選擇呢三對原因係除左結婚著,
平時返工、去街都著得...
感覺上比較環保~~
最重要係高度啱我要求!

同身高的老公鍚鍚好方便,唔洗點就...
但係買鞋的高度就要遷就遷就了~

想看到更多即時分享,可以到facebook page讚好呢!
請多多支持吧~送禮進行中~~

歡迎聯絡合作事宜:
dahlia_purple@hotmail.com

SHE.COM客席專欄
http://www.she.com/author/purplechiu/
YOUTUBE

2018年3月26日 星期一

[美妝] 超注目!THREE新推底妝神器 打造完美淨化素肌 ❤

環境污染為肌膚帶來壓力,對自己好一點,天然成份的彩妝、護膚品可以大大減輕肌膚的負擔。

日本天然彩妝護膚品牌THREE,又推出注目新品喇!無論是彩妝還是護膚品,THREE都嚴選天然成份,融合大自然恩惠與現代科學技術,煥發健康素肌~


前陣子有幸出席THREE的新品發報會,再一次為我們帶來新驚喜~ 他們的粉底出名好用,今次更全新推出THREE ANGELIC SYNTHESIS FOUNDATION SERUM 天使煥采精萃粉底!


新粉底一共有十色可選~打造出完美輕感祼妝~
集美妝與護膚於一身!


THREE的「肌能」系列Skin Care亦非常吸睛,
簡單而富時尚感包裝,潔淨清新。


活動當天請來化妝師小白
示範利用天使煥采精萃粉底
打造今季最新的輕感祼妝。


Model的妝就算近看都是非常貼薄自然的!
通透感的妝容帶來亮澤好氣息~


還有ABC Cooking Studio的日本老師教我們做健康salad jar,又靚又好味~
皮膚要吸收營養先會靚,為了有好肌膚,我們也要多吃健康的食材~
salad jar真係野餐必備之選!


產品帶回家後當然又是興奮的開箱時間喇!
到底係咪真係咁好用呢?


THREE ANGELIC SYNTHESIS FOUNDATION SERUM
THREE 天使煥采精萃粉底
HK$550 (30mL)
含83%天然成分,一共10色可選,總有一款啱你:)


粉底如精華液般貼薄舒適,能自然地與肌膚融合,帶來滋潤及彈潤感。

防曬度SPF38 / PA+++,
應付到基本防曬需要,
而且不含紫外線吸收劑。


粉底的質地值得一讚!
水感得來好輕盈的:)貼薄如無物~ 
帶來光澤同時又唔會笠笠的,
塗後完全感覺不到粉底的存在。

粉底水盈貼薄易推開,
建議以粉撲或者粉底掃輕輕印勻,
效果會更好呢~


用後肌膚亮澤自然,能遮蓋修飾面上毛孔瑕疵,
完美地貼服於素肌,而且妝容貼服持久不易浮粉呢~


用上數次之後,
我相信THREE天使煥采精萃粉底
就是我的The One粉底了!

大家有興趣也可以到專櫃試試色哦~ 



THREE ULTIMATE DIAPHANOUS LOOSE POWDER
THREE凝光蜜粉
HK$450 (17g)

共4款可選,當中含80%天然成分。
是質感纖細的人氣定妝蜜粉,最近更新推出這款柔霧新色,打造啞緻妝容。


富含8種植物油成分,成份温和親膚,
不含苯甲酸類防腐劑,
而且不使用人工合成香料、
動物由來原料及礦物油。

當中高保濕植物油方能達致的完美服貼效果,打造似有若無的輕盈妝感。
內裡附有柔軟觸感的蜜粉撲,高度親膚!


一般定妝蜜粉會愈用愈乾,這款卻完全相反!

上粉後妝容即時變得啞致乾爽~
控油之餘不會為肌膚帶來乾燥感,讓妝容更加貼服持久。


THREE RADIANT WAND INVISIBLE
THREE天使煥采修瑕棒
HK$340

含81%天然成分,
針對黑眼圈、痘疤、斑點及雀斑等瑕疵進行柔焦效果。


修瑕棒採用Airy Smooth空氣柔滑粉體配方,
無需厚塗,利用改變光線反射原理,霧化修飾肌膚,
即時淡化毛孔細紋,為肌膚帶來自然光澤,仲好滑溜添!

上妝時或是補妝時使用都OK,不會影響妝容的。
加上修瑕棒中的美容油配方令質地柔滑而且高延展性,
還有保濕鎖水的作用,真是親膚度高的補妝神器。


THREE的「肌能」系列以天然素材喚醒素肌的本能,
對抗空氣中的污染,帶來健康自然的膚質。

妝容Keep了一整天,回家護膚潔面都不可偷懶,
我個人就十分推介THREE的平衡潔膚油


THREE BALANCING CLEANSING OIL
THREE平衡潔膚油
HK$365 (200mL)

平衡潔膚油由天然植物油組成,
可溫和溶解難以卸除的防曬品與防水性彩妝;
更徹底清潔多餘皮脂與污垢。

柔滑的精油質地,以手心取適量再於面上推開按摩,
一邊卸妝一邊聞到令人放鬆心情的清新精油香氣~~ 真係好舒服!

活動當日都試過卸妝效果,一抹...油垢都出哂黎...
於面上按摩就更加能夠徹底溶解卸除彩妝喇~


另一款大愛的就是連泛紅敏感肌膚都用得的...

THREE平衡洗顏皂霜
HK$310 (120g)
90%天然成分!

跟卸妝油一樣帶清新的精油香氣,輕鬆搓揉出豐潤具彈力的細緻泡沫,吸附污垢,造就柔軟、滋潤的潔淨肌。

被柔軟的泡泡包圍,感覺超爽的~
過水後肌膚水潤有光澤,完全不會覺得乾同磞緊!
做到潔面同時護膚~ 帶來清新淨化感~~


有了THREE的「肌能」系列,
感覺肌膚向健康之路邁進了一大步,
輕輕鬆鬆就能育成靚靚素肌喇!



了解更多:


想看到更多即時分享,可以到facebook page讚好呢!
請多多支持吧~送禮進行中~~

歡迎聯絡合作事宜:
dahlia_purple@hotmail.com

SHE.COM客席專欄
http://www.she.com/author/purplechiu/
YOUTUBE

是次產品及產品資料由品牌提供,本文章所發表的全部內容均屬個人意見及真心感受,並不代表該品牌之言論及立場。如需協助或希望獲得更多有關產品資訊,請直接聯絡該品牌查詢或∕和尋求相關專業意見。如從而引起任何損失或法律糾紛,本人概不負責。

2018年3月22日 星期四

婚享。韓式PW精修原檔&排版到手! ❤ 令人滿意的修圖前後!!~

前兩日收到了係香港影的韓式Pre-Wedding相片同排版Preview喇!
我諗見到相都大概知係邊間...(想知就參考返之前文章)

揀相未夠兩個月,本來我只係想打去約時間睇精修效果...
點知過左陣佢地what's app左條link比我入google drive睇相,即係一早整好哂啦...
睇到精修真係99%滿意,雖然都有少少地方可以再執得好D,不過...執前同執後真係好有分別!特別係個人...D瑕疵位執完...真係靚好多~

而且D相張張都5-12mb...相信係原檔黎~真係好感動...
因為唔係間間公司都可以免費拎返所有精修檔案...

呢張好有動感ge signature婚照...
佔左我足足6張精修!!
不過我個人覺得單數...5 or 7張會比較好...
朋友睇左都大讚...


上圖出相簿時就會係一版咁出,
不過呢6張佢地都有個別咁比返哂精修檔我:)

下面呢張都係佢地出名的Effect相,好靚丫...


上次選片時,我將所有精修程度都選到最高~ 瘦身丫,瘦面丫果D...
對比之下修前修後都的確係...有分別...


最開心係舊副乳唔見左...
金色呢件晚裝係完全遮唔到架...
執得都尚算自然。


當日影到最後一套衫,我個人已經好腫,修完終變返個正常人...
個妝有微調過,更加有韓味~


修前同修後的差別...
肌理平滑左,冇左D細紋頸紋,膚色都明亮左!


唯一有兩張我希望佢地幫我再執的,就是(下圖)地下的白色地磚線...
呢個星空景全黑應該會靚好多,佢地話兩星期左右會修好,到時我再問問佢地進度。


至於排版...
因為相簿是橫向的長方形,
打直的相片放上去效果會冇咁好睇...
(下面係兩版,一個對頁的排版)


所以大家選片時都要諗諗相簿的形狀同方向...
排版大致上都OK滿意,等佢地修好那兩張照片,
就可以SEND去廠做。


一本相簿只有9個對頁...即是18page...
係婚展落訂時我地已經覺得一本相簿放唔哂,加左錢要多一本...
所以D相先可以放到咁大張@@
一般Package係得一本相簿,大家諗諗加唔加啦。

製成品到手再同大家分享啦~

想看到更多即時分享,可以到facebook page讚好呢!
請多多支持吧~送禮進行中~~

歡迎聯絡合作事宜:
dahlia_purple@hotmail.com

SHE.COM客席專欄
http://www.she.com/author/purplechiu/
YOUTUBE

Related Posts Plugin for WordPress, Blogger...