2018年5月31日 星期四

婚享。試衫記!Pre-Wedding揾到靚靚婚紗~

上星期拍完了第二輯PW,事前當然唔少得揀衫試身!對於呢家婚攝公司的禮服,唔少人都話佢地嘅衫有D殘舊,不過好彩的話可能遇到比較新的款式。

為左要搶到靚衫,得花點策略訂下揀衫日,我地亦Book左最早的時段10點!!!唔想早起同人迫過關,我地早一晚已經住係婚攝公司附近的酒店~第二朝試完衫再去暴食。


一去到禮服師就帶我地去睇睇D禮服,基本上冇限試幾多件,試到揀到為止。
衫款都比想像中的多,不過有部份的確有點舊,大家可以細心看看喜歡那一件!



今次拍的會是歐式建築多,禮服先建議我們先選一件深色的晚裝,再選一件粉色的輕紗,最後一件可以魚尾/大拖尾...我當然會揀大拖尾啦,咁先夠氣勢!

我早就知道這裡有件黑拖尾,但係屋企人話婚照唔好著黑...
好!咁我就揀平日完全唔會著的紅色!!(結果返去都比人問點解著紅色...= =)

第一件想試試有袖款...
袖子蠻修身的,不過裙身略為顯肥...


側面和背面看是不錯的!
不過最後冇揀到佢...


最後選了下面的熱門佳麗...
呢件個心口好有效果...
身材好好的樣子...
不過洗到變左形,心口好易走光...
同埋真係幾殘舊,拍照唔會太明顯都OK的~


因為拍城堡,所以大拖尾的晚裝比較有氣勢,呢個款好多好多人揀...
不過我拍果時都同人撞衫,可能有多過一條的。


然後到輕婚紗...
一拎起呢件,男友已經話好OK~
好有鮮氣的一件,重點係好顯瘦!
禮服師話呢件會去森林拍...我先知原來拍攝地有森林...


背面都好喜歡...而且好輕...
不過拉鏈款,呢件比較適合瘦削的女生...


之後第二件輕婚紗...一字肩有袖的~
正面看有點胖,因為條腰位鬆鬆地...冇得調緊...


呢一件的側面和背面都好有睇頭...
都唔知揀邊件先好...
最後老公選了這一件有袖的!!


最後到大拖尾婚紗!!
由於太重了...要一件一件咁搬去試身室...
其實早一晚我已經留意到有拍完的同學選了一件超美的一字肩...不過初初唔見係架上,以為佢租出去外影了...

所以先試這件心形胸的,
這件應該是新到不久,
看它蠻新淨,拖尾也不太髒~
心口的LACE很美!!


不過我BIG DAY已經著心形胸的款,PW好想試試一字肩的~~
第二件就試上了這一件...
的確蠻顯瘦哦...拖尾也好誇張...
只是近看有一點點舊的樣子...


係我仲未決定到的時候,其實走廊展示了幾件比較新的婚紗...
沒眼花吧...就有我想要的那一件!!!!

呢件大拖尾真係好靚...
靚到老公以為要加錢先可以著...當然唔洗啦~


婚紗帶點米白色,上面的Lace都是白色的!
禮服師說這件是新返的,好像全新的一樣~


上面也有一點點的閃鑽~好華麗的感覺!


拖尾大得誇張哦,而且很公主傘裙...
唯一的缺點是太重了,的確會很累人。
而腰間的魚骨是有點吉肉的,
哈哈,愛靚就不能顧慮那麼多了!


我的衣服選好了,就到老公的了...
兔先生超瘦的身形也可以找到合身的款式。

先選一套黑色的配上我的紅晚裝~


禮服師建議除了白襯衫,也可以搭配暗紅色的襯衫!
(最後化妝師也選了暗紅)


拍森林就選了淺藍色的~


最後一套深藍色的也蠻不錯丫!
衣服都出奇地合身~


選好的衣服,禮服師都會用大袋入好。
到了拍攝日的早上,化妝先會跟我確認一下所選的禮服~

後記:
雖然婚紗禮服的款式比想像中要多,
不過我堅信第一眼看上去能認定的禮服,那一件就是the one了~
我一直都很擔心選不到自己想要的款式,所以選衣服的日子也要安排得有技巧!

22日是公眾假期,大概19-22的期間都會很多人拍...
拍過的衣服要洗淨也至少要一兩天也放回架上...
所以我就決定24日揀衫,大概會有較多的款式在店裡吧!!
星期三/星期四都比較易遇到心目中的the one哦~

大家在安排拍攝選衣服也得有點策略呢^^

想看到更多即時分享,可以到facebook page讚好呢!
請多多支持吧~送禮進行中~~

歡迎聯絡合作事宜:
dahlia_purple@hotmail.com

SHE.COM客席專欄
http://www.she.com/author/purplechiu/
YOUTUBE

Related Posts Plugin for WordPress, Blogger...